لمان میگزین کی گستاخی پر رضا اکیڈمی کا احتجاج: ممبئی میں عاشقانِ رسول ﷺ کا پُرامن مظاہرہ

استنبول سے گستاخی، ممبئی سے احتجاج: لمان میگزین میں گستاخانہ خاکے کے خلاف رضا اکیڈمی کا پرامن مظاہرہ

ممبئی، 4 جولائی 2025 | خصوصی نمائندہ

ترکی کی معروف ہفت روزہ میگزین Leman Magazine میں خاتم النبیین حضرت محمد مصطفیٰ ﷺ کے متعلق گستاخانہ خاکہ شائع کیے جانے پر پوری دنیا کے مسلمانوں میں شدید غم و غصہ کی لہر دوڑ گئی ہے۔ اسی سلسلے میں آج ممبئی میں نماز جمعہ کے بعد رضا اکیڈمی کی جانب سے ایک پرامن احتجاجی مظاہرے کا انعقاد کیا گیا۔

یہ مظاہرہ سیلفی جوبلی اسٹریٹ پر واقع ہانڈیوالی مسجد کے باہر منعقد ہوا، جس کی قیادت ممتاز اسلامی اسکالر اور رضا اکیڈمی کے صدر الحاج محمد سعید نوری اور مولانا اعجاز احمد کشمیری نے کی۔ مظاہرے میں سیکڑوں عاشقانِ رسول ﷺ شریک ہوئے، جنہوں نے دل کی گہرائی سے اس گستاخانہ عمل کی مذمت کی اور “لبیک یا رسول اللہ ﷺ” جیسے پرجوش نعروں سے فضا کو معطر کر دیا۔

🎙 الحاج سعید نوری کا سخت پیغام:

“نبی آخر الزماں حضرت محمد ﷺ کی شان میں ادنیٰ سی بھی گستاخی پوری امت مسلمہ کے لیے ناقابلِ برداشت ہے۔ ہم ترکی حکومت سے مطالبہ کرتے ہیں کہ وہ اس ناپاک میگزین کے خلاف سخت ترین کارروائی کرے اور ایسے عناصر پر روک لگائے جو مسلمانوں کے جذبات کو مجروح کرتے ہیں۔”

مظاہرین نے اقوام متحدہ، اسلامی تعاون تنظیم (OIC) اور عالمی برادری سے بھی اپیل کی کہ: