جالنا کے پرتور ریلوے اسٹیشن پر فٹ اوور برج کے لیے گرڈرز کی کامیاب تنصیب
مسافروں کے لیے بڑی سہولت، جنوبی وسطی ریلوے کی انجینئرنگ ٹیم کی کامیاب پیش رفت
تاریخ: 14 جولائی 2025 | مقام: جالنا
جنوبی وسطی ریلوے کے ناندیڑ ڈویژن کے تحت آنے والے پرتور ریلوے اسٹیشن پر مسافر سہولیات میں اضافے کے لیے ایک بڑا قدم اٹھایا گیا ہے۔ اسٹیشن پر 12 میٹر چوڑے جدید فٹ اوور برج (FOB) کی تعمیر کے لیے 34.03 میٹر لمبے 11 گرڈرز کو کامیابی کے ساتھ نصب کیا گیا۔ یہ عمل محض تین گھنٹوں کے ٹریفک اور OHE پاور بلاک کے دوران مکمل کیا گیا، جس سے ٹرینوں کی آمدورفت پر معمولی اثر پڑا۔
یہ نیا برج خاص طور پر مسافروں کی سہولت، حفاظت اور رسائی کو بہتر بنانے کے لیے تیار کیا گیا ہے۔ اس میں پلیٹ فارم 1 اور 2 پر لفٹ اور ریمپ کی سہولت بھی شامل ہوگی، جو معمر افراد، خواتین اور معذور افراد کے لیے اسٹیشن کو مزید قابل رسائی بنائے گا۔
علاوہ ازیں، برج پر کیوسک سہولیات بھی دستیاب ہوں گی تاکہ پلیٹ فارمز کے درمیان سفر کرنے والے مسافروں کا تجربہ زیادہ آسان اور خوشگوار بنایا جا سکے۔
یہ کامیابی جنوبی وسطی ریلوے کی “گتی شکتی” انجینئرنگ ٹیم اور ریلوے انتظامیہ کی جانب سے ملک میں تیز، محفوظ اور مسافر دوست ریلوے خدمات فراہم کرنے کے عزم کی عکاسی کرتی ہے۔
ریلوے کے تعلقات عامہ دفتر، ناندیڑ نے یہ اطلاع جاری کرتے ہوئے تمام مدیران سے گزارش کی ہے کہ وہ اس اہم پیش رفت کو اپنے اخبار میں شائع کریں تاکہ عوام الناس تک یہ معلومات پہنچ سکے۔
Discover more from ImranJalna
नवीनतम पोस्ट अपने ईमेल पर प्राप्त करने के लिए सदस्यता लें।
Leave a Reply