حج 2026 کے لیے آن لائن درخواستوں کا آغاز، شارٹ ٹائم حج کا نیا موقع دستیاب

حج 2026 کے لیے آن لائن درخواستیں شروع

شارٹ ٹائم حج کا نیا آپشن دستیاب

جالنا: حج کمیٹی آف انڈیا نے حج 2026 کے لیے آن لائن درخواستوں کا آغاز 7 جولائی 2025 سے 31 جولائی 2025 تک کر دیا ہے۔ اس بات کی اطلاع رہنماء حج کمیٹی جالنا کے صدر حاجی شکیل خان نے دی۔

      اس سال “شارٹ ٹائم حج” کا نیا آپشن متعارف کرایا گیا ہے، جس کی مدت تقریباً 20 دن ہوگی۔
    

اس مختصر حج میں مدینہ منورہ میں صرف 2 سے 3 دن کا قیام شامل ہوگا۔ اس کے لیے نشستیں محدود ہوں گی اور معمول کے حج سے زیادہ فیس لی جائے گی۔ اس کا الگ قرعہ اندازی ہوگا۔ منتخب نہ ہونے والے افراد کا نام خود بخود عام حج قرعے میں شامل کیا جائے گا۔

مکہ مکرمہ اور مدینہ منورہ میں کیٹرنگ کی سہولت اختیاری رکھی گئی ہے، جس کے لیے اضافی فیس وصول کی جائے گی۔

ایک کور میں 1 سے 5 افراد درخواست دے سکتے ہیں۔
65 سال یا اس سے زائد عمر کے افراد دو یا چار افراد کے ساتھ ریزرو زمرے میں درخواست دے سکتے ہیں۔
پاسپورٹ کی میعاد 31 دسمبر 2026 تک لازمی ہے۔
قرعہ میں منتخب ہونے پر ₹1,50,000 کی پہلی قسط جمع کروانا ضروری ہے۔

“اسلام میں جو شخص استطاعت رکھتا ہو، اس پر زندگی میں ایک بار حج فرض ہے۔”

رہنماء حج کمیٹی جالنا نے تمام مسلمانوں سے اپیل کی ہے کہ وہ بروقت درخواست دے کر اس مقدس فریضے کی ادائیگی کا شرف حاصل کریں۔

رہنماء حج کمیٹی جالنا کی جانب سے خصوصی تعاون:
حاجی شکیل خان، شیخ وِخار، حاجی نور، حاجی عبدالجبار، حاجی خیرالدین، حاجی عمران خان، حاجی قادر بگوان، خالق شیخ، مبین اشرف، حاجی داؤد خان (پرتور)، حاجی مشتاق انصاری (منٹھا)، مہمان مستری سہیل (امبڈ)، حاجی ستار ٹیلر (بدنپور)، حاجی شوکت علی (دریاپور راجہ)، حاجی نسیم الدین صدیقی (ٹیمبھورنی)

رابطہ کی معلومات:
درخواست فارم بھرنے کے خواہشمند افراد نیا بازار کی بڑی مسجد میں روزانہ صبح 10:00 بجے سے دوپہر 2:00 بجے تک کمیٹی دفتر سے براہ راست رجوع کریں۔